Il-films ta' Tafxnaf kellhom il-première is-Sibt 9 ta' Ġunju 2018 waqt il-Valletta Film Festival.

Il-films se jerġgħu jintwerew il-Ħadd 10 ta' Ġunju fis-14:30, u l-Ġimgħa 15 ta' Ġunju fl-16:30. Il-biljetti jistgħu jinkisbu mingħajr ħlas, minn hawn:

Biljetti għall-Ħadd.

Biljetti għall-Ġimgħa.

Tafxnaf hu proġett tal-Fondazzjoni Valletta 2018 li beda billi stieden lill-istudenti kollha tal-Form 2, f'Malta u Għawdex, biex jiktbu storja jew ipinġu stampa li tirrakkonta aspett
ta’ ħajjithom.

Għadd ta' skejjel ħadu sehem fil-proġett, u ħafna organizzaw sessjonijiet tal-PSCD fejn it-tfal qraw l-istejjer
lil xulxin.

Minn dan il-proċess ħarġu għadd ta' stejjer sbieħ, interessanti, u li
jqanqlu wkoll.

L-istudenti vvutaw fuq l-iktar storja
li għoġbithom.

L-istejjer magħżula għaddew f'idejn iż-żgħażagħ li hemm fuq il-Kunsill tat-Tfal, biex minnhom għażlu l-25 storja li għaddew għall-fażi li kien imiss – sensiela ta' workshops fuq iċ-ċinema u n-narrattiva.

Waqt dawn il-workshops, il-parteċipanti għażlu ħames stejjer, u nqasmu f'ħames gruppi. Kull grupp ħadem waħda mill-istejjer f'film ta' ħames minuti. Il-films qed jintwerew għall-ewwel darba waqt il-Valletta Film Festival 2018, u se jintwerew f'drabi oħra kemm f'Malta kif ukoll lil hinn minn xtutna.

Kull storja li nkitbet għal Tafxnaf, però, se tittella' fuq dan is-sit, u se tiġi arkivjata fil-Bibljoteka Nazzjonali!

Tafxnaf hu proġett edukattiv

tal-Fondazzjoni Valletta 2018.

Mistoqsijiet jistgħu jintbagħtu lil info@tafxnaf.org.

©2017 Kull jedd miżmum.